கடந்த ஏப்ரல் மாதம், பிண்ணனிப் பாடகி சுசித்ராவின் டிவிட்டர் கணக்கிலிருந்து பிரபல சினிமா நடிகர்கள் மற்றும் நடிகைகளின் அந்தரங்கப் புகைப்படங்கள் வெளியாகி பரபரப்பை ஏற்படுத்தியது. ஆனால், தன்னுடைய டிவிட்டர் கணக்கு மர்ம நபர்களால் ஹேக் செய்யப்பட்டு, அதில் புகைப்படங்கள் வெளியாகி வருவதாகவும்,
அதற்கும் தனக்கும் சம்பந்தம் இல்லை என சுசித்ரா தரப்பில் இருந்து விளக்கம் அளிக்கப்பட்டது. அதில் தனுஷ், த்ரிஷா, விஜய் டிவி புகழ் டிடி(திவ்யதர்ஷினி) உள்ளிட்ட சில நடிகைகளின் அந்தரங்க புகைப்படங்கள் வெளியாகின. அதேபோல், நடிகர் தனுஷும், நடிகை அமலாபாலும் இடம்பெறும் வீடியோ வெளியிடப்படும் என சுசித்ரா டிவிட்டர் பக்கத்தில் தெரிவிக்கப்பட்டது. ஆனால், அப்படி எதுவும் வெளியாகவில்லை.
இந்நிலையில், ஒரு நாள் ஒரு கூத்து என்ற படத்தில் நடித்தவரும், தற்போது உதயநிதி ஸ்டாலினுடன் பொதுவாக என் மனசு தங்கம் மற்றும் ஜெயம் ரவியுடன் டிக் டிக் டிக் ஆகிய படங்களில் நடித்துவரும் நிவேதா பெத்துராஜின் பெயரில், சுச்சி லீக்ஸ் டிவிட்டர் பக்கத்தில் ஒரு வீடியோ வெளியாகியுள்ளது. இந்த விவகாரம் சமூக வலைத்தளங்களில் பரபரப்பையும், சினிமா உலகில் அதிர்ச்சியையும் ஏற்படுத்தியுள்ளது.
