Home இரகசியகேள்வி-பதில் ஆணுறுப்பின் அளவும் உடலுறவும் கேள்வி-பதில்

ஆணுறுப்பின் அளவும் உடலுறவும் கேள்வி-பதில்

36

கேள்வி

வணக்கம் ஐயா. எனது ஆண் உறுப்பு மிகவும் சிறியதாக உள்ளதாக உணர்கிறேன். சில செக்ஸ் படங்கள் பார்த்த பின்தான் உண்மையில் எனது ஆணுறுப்பு மிகவும் சிறிதாக உள்ளதாக உணர்ந்தேன்.இப்போது எனது வீட்டிலேயே எனக்கு பொண்ணு பார்க்கத் தொடங்கிவிட்டார்கள்.எனக்கோ மிகவும் பயமாக உள்ளது. எனது ஆண் உறுப்பை பெரிதாக்க என்ன செய்யலாம் .தயவு செய்து விரைவாக பதில் சொல்லவும்.

பதில்

நல்லது நண்பரே இது பற்றி பலமுறை நான் விளக்கம் கூறியுள்ளேன் .
நீங்கள் மற்றவரின் ஆணுறுப்போடு உங்கள் ஆணுறுப்பை ஒப்பிடுவது மிகவும் தவறானதாகும்.

ஒவ்வொருவரின் உயரம் வேறு படுவது போலவே அவர்களின் ஆணுறுப்பின் அளவும் வேறுபடும்.

உயரம் குறைவானவர்கள் ஒன்றும் தாழ்வனவர்கள் அல்ல அதே போலத்தான் ஆணுறுப்பு சிறிதானவர்களும் ஆண்மை குறைந்தவர்கள் அல்ல.

நீங்கள் செக்ஸ் படங்களைப் பார்த்து ஏமாற வேண்டாம். அவை மற்றவர்களைக் கவர்வதற்காக கவர்ச்சியாவனவர்களை வைத்து எடுக்கப்படும் செயற்கையான படங்கள்.
அவற்றோடு உங்கள் நிஜத்தை ஒப்பிட வேண்டாம்.

ஆணுறுப்பின் அளவில் அல்ல ஆண்மை தங்கியுள்ளது.

ஆண்மைக்கு முக்கிய ஆணித்தரமே மன உறுதிதான் . தேவை இல்லாத யோசனைகளை மூலம் உங்கள் மன உறுதியைத் தொலைத்து
உங்கள் ஆண்மையை வீணாக்கி விடாதீர்கள்.
உங்கள் வீட்டில் பார்க்கும் பெண்ணையே திருமணம் செய்து .சந்தோசமாக வாழுங்கள்.

 

வளைந்திருக்கும் ஆணுறுப்புக்கள்!

எல்லா ஆண்களிலும் ஆணுறுப்பு விறைப்படையும்போது போது நேராக இருப்பதில்லை.சில பேருக்கு நாப்பத்தைந்து டிக்கிரி வரைகூட வளைவு இருக்கலாம்.

அதிகமாக வளைவு சில நோய்களின் போதும் ஏற்படலாம். ஆனாலும் இந்த நோய்களுக்கு தீர்வுகள் உள்ளன.இதனால் உங்கள் இல்லறமே பாதிக்கப்படும் என்று அச்சம் கொள்ள வேண்டியதில்லை.

 

இனி ஆணுறுப்பிலே வளைவை ஏற்படுத்தக் கூடிய சில நோய்களைப் பார்ப்போம்!

ஹைப்போ ஸ்பாடியாசிஸ்(Hypospadiasis)
படங்கள் (போது இடத்தில் பார்க்க வேண்டாம்)
சாதாரணமாக சிறுநீர் மற்றும் விந்து வெளியேறும் துளையான்து ஆணுறுப்பின் நுனியில்தான் இருக்கும் .ஆனால் இந்த நோயினால் பாதிக்கப் பட்ட ஆண்களுக்கு அத்துளையானது நுனிப்பகுதியில் அல்லாமல் அடிப்புறமாக ஆணுறுப்பின் தண்டுப் பகுதியில் இருக்கும். இதனால் ஆணுறுப்பு வளைந்துள்ளது போன்ற தோற்றம் ஏற்படலாம்.
இதற்கு சத்திர சிகிச்சை மூலம் வேறு ஒரு துளையை ஆணுறுப்பின் நுனியில் ஏற்படுத்துவதன் மூலம் தீர்வு காணப்படலாம்.
பைமொசிஸ் (phimosis)

படங்கள் (போது இடத்தில் பார்க்க வேண்டாம்)
பொதுவாக ஆணுறுப்பு விறைப்படையும் போது அதன் முன் தோல் பின்நோக்கி இழுபடும் . ஆனால் சில பேரிலே இந்த முன் தோல் பின்நோக்கி இழுபட முடியாமல் இருக்கும். இதனால் ஆணுறுப்பிலே சில வேளைகளில் வளைவு ஏற்படலாம்.

இதற்கு சிறிய சத்திர சிகிச்சை மூலம் தீர்வு காணப் படலாம். இந்த சத்திர சிகிச்சை circumcision எனப்படும் , இது முஸ்லிம் மக்கள் செய்து கொள்ளும் சுன்னத்து எனப்படும் செயன் முறையாகும்.

சிறுநீர் வழிச் சுருக்கம்.(urethral stricture)

சிறுநீர் வெளியேறும் குழாய் போன்ற அமைப்பு ஆணுறுப்பின் உள்ளே இருக்கிறது. அது urethra எனப்படும். இது சுருங்குவதால் ureththral stricture) ஏற்படுகிறது. இதனால் கூட ஆணுறுப்பு வளைந்துள்ளது போன்ற மாயை ஏற்படலாம்.
பயரோநியஸ் நோய் (Peyronie’s disease )

படங்கள் (போது இடத்தில் பார்க்க வேண்டாம்)
இந்த நோயினால் பாதிக்கப்பட்ட ஆணுறுப்பிலே தோலுக்குக் உள்ளாக இருக்கும் பகுதி சற்று தடிப்பு(கடினமடைவதால்) அந்த ஆணுறுப்பு விறைப்படையும் போது இவ்வாறு தடிப்படைந்த பகுதியை நோக்கி வளைந்து காணப்படும்.

சில வேளைகளில் அவர்களுக்கு வலி கூட ஏற்படலாம்.
சில ஆண்களிலே உடலுறவிலேயும் பாதிப்பை ஏற்படுத்தலாம்..
முக்கியமாக இதனால் பாதிக்கப்பட்ட ஆண்களுக்கு மனதளவிலே பெரிய அழுத்தங்கள் ஏற்படலாம்.அதுவே அவர்களின் இல்லறத்தைப் பாதிக்கலாம்.
இந்த நோயின் அறிகுறிகள்

இது படிப்படியாக ஏற்படலாம் அல்லது சிலரிலே சடுதியாகக் கூட ஏற்படலாம்.
முக்கிய அறிகுறி ஆணுறுப்பு விறைப்படையும் போது ஒருபக்கமாக வளைந்திருத்தல்.அநேகமானவர்களில் இந்த வளைவு மேல் நோக்கியதாகவே இருக்கும். ஆனாலும் சிலபேரில் கீழ் நோக்கியதாக அல்லது பக்கவாட்டில் இருக்கலாம்.
அடுத்த முக்கியமான அறிகுறி ஆணுறுப்பிலே வலி ஏற்படுதல்.
சில பேரிலே விறைப்புத்தன்மை ஏற்படுவதையே இது தடுக்கலாம்.
சிலவேளைகளில் ஆணுறுப்பு சிறிதாவது போன்ற தோற்றம் ஏற்படலாம்.

இது என்ன காரணத்தால் ஏற்படுகிறது?

சரியான காரணம் அறியப்படா விட்டாலும் , இது ஆணுறுப்பிலே ஏற்படும் காயங்கள் காரணமாக ஏற்படும் தழும்புகள் காரணமாகவே ஏற்படுவதாக சொல்லப் படுகிறது.
புகைப் பிடிப்பவர்களுக்கும் , நீரழிவு நோயாளிகளுக்கும் இந்த நோய் ஏற்படுவதற்கான சந்தர்ப்பம் அதிகம் என்று சொல்லப் படுகிறது.

இந்த நோயினால் பாதிக்கப்பட்டவர்கள் எப்போது வைத்தியரை நாட வேண்டும்?

இந்த நோய் இருக்கும் எல்லா ஆண்களிலும் இது வலியை ஏற்படுத்துவதில்லை. அதே போல வளைவு இருந்தாலும் இது எல்லோரிலும் உடலுறவுக்கு இடையூறாக இருப்பதும் இல்லை.
ஆகவே ஆணுறுப்பிலே ஏற்படும் வளைவு காரணமாக உங்களுக்கு வலி ஏற்பட்டாலோ அல்லது அது உடலுறவுக்கு இடையூறாக இருந்தால் மட்டுமே நீங்கள் வைத்தியம் பெற்றுக் கொள்ள வேண்டியவர்யாகுறீர்கள்.

இதற்கு எவ்வாறான வைத்தியங்கள் செய்யப்படலாம்?

மாத்திரைகள் மூலம் இதற்கு சரியான தீர்வு கிடைப்பதற்கான சந்தர்ப்பம் மிகக் குறைவு.
சிறிய சத்திர சிகிச்சை மூலம் தடிப்படைந்த பகுதி அகற்றப்படலாம்.
மேலே கேள்வி கேட்ட நண்பர்களுக்கு நான்மீண்டும் சொல்லிக் கொள்ளுவது என்னவென்றால் , நீங்கள் உங்கள் ஆணுறுப்பு வளைந்து இருப்பதாக மட்டுமே சொன்னீர்கள். அது எந்த அளவுக்கு வளைந்து இருக்கிறது என்று கூடசொல்லவில்லை .சிலவேளை அது சாதாரண வளைவாகக் கூட இருக்கலாம்.

இருந்தாலும் நான் கூறியுள்ள விடயங்கள் மூலம் அந்த நோய்களுக்கான சந்தர்ப்பம் உங்களுக்கு உள்ளது என்று நினைத்தாலோ அல்லது இது உங்களுக்கு பாலியல் மற்றும் உளவியல் ரீதியாக பிரச்சினைகளைக் கொடுக்கிறதா என்பதைப் பொறுத்து நீங்கள் வைத்திய வசதியைப் பெற்றுக் கொள்ளுவது உகந்தது.

ஆனாலும் இதனால் உங்களுக்கு உடலுறவிலே ஈடுபடும் தகுதி இல்லை என்று தேவை இல்லாமல் மனத்தைக் குழப்பிக்கொள்ள வேண்டாம்.

Previous articleமூக்கு அழகுக்கு
Next articleஉங்கள் குழந்தைகள் குண்டாக இருக்க விருப்பமா ? அப்ப இதை படிங்க !