Home ஆண்கள் விந்தணுக்களில் காணப்படும் குறைபாடு செயற்கை முறை கருக்கட்டலை பாதிக்குமா?

விந்தணுக்களில் காணப்படும் குறைபாடு செயற்கை முறை கருக்கட்டலை பாதிக்குமா?

25

மணம் முடித்து தம்­ப­திகள் தமக்­கென ஒரு குழந்­தையை பெற்­றெ­டுக்க திட்­ட­மி­டு­வது வழக்கம். ஆனால் எதிர்­பா­ராத வித­மாக குழந்­தைப்­ பாக்­கியம் தாம­த­ம­டைதல் பல­ரது வாழ்க்­கையில் ஒரு தடை­யாக மாறி­யுள்­ளது. இதற்கு காரணம் கண­வனா? மனை­வியா? என்ற விவாதம் குடும்­பங்­க­ளுக்குள் திரை மறைவில் ஆரம்­பிக்கும். மருத்­துவ பரி­சோ­த­னைகள் தம்­ப­தி­க­ளுக்கு செய்யும் போதே இதற்­கான விடை கிடைக்­கின்­றது. எனினும் சம்­பி­ர­தாய முறையில் பல குடும்ப உற­வி­னர்கள் பெண்களுக்குத் தான் இதற்கு கார­ண­மான குறைகள் இருக்க வேண்டும் என ஒரு தவ­றான கருத்து இருந்து வரு­கின்­றனர். ஆனால், அண்­மைக்­கா­ல­மாக நாம் செய்து வரும் பரி­சோ­த­னை­களில் இருந்து பல­ரது வாழ்க்­கையில் தாம­த­ம­டையும் குழந்தைப் பாக்­கி­யத்­துக்கு கார­ண­மாக ஆண்­க­ளது பங்­க­ளிப்­புத்தான் இருந்து வரு­கின்­றது. இந்த செய்தி தம்­ப­தி­க­ளுக்கும் குடும்ப உற­வி­னர்­க­ளுக்கும் அதிர்ச்­சி­யான ஒரு செய்­தி­யாக கூட இருக்க முடியும்.

குழந்தைப் பாக்­கி­யத்­துக்கு ஆண்­க­ளது குறைகள் என்றால் என்ன?

கரு ஒன்று உரு­வா­குவ­தற்கு பெண்­க­ளிடம் இருந்து சூல்முட்­டைகள் வர வேண்­டி­யது போல் ஆண்­க­ளிடம் இருந்து விந்­துக்கள் தேவைப்­படும். இந்த விந்­துக்­களின் பற்­றாக்­கு­றையே ஆண்­களின் குறை­பா­டாக விளங்­கு­கின்­றது. விந்­துக்­களின் தரா­த­ர­மா­னது விந்­துக்­களின் எண்­ணிக்கை, விந்­துக்­களின் துல்­லி­ய­மான அசைவு மற்றும் விந்­துக்­களின் ஒழுங்­கான கட்­ட­மைப்பு என பல கார­ணி­களில் தங்­கு­கின்­றது. இவற்றில் ஏதா­வது ஒன்று குறை­யாக இருந்­தாலே கருக்­கட்டல் கேள்­விக்­கு­றி­யாக மாறு­கின்­றது. எனவே, விந்­துக்­களின் தரா­த­ர­மா­னது ஆண்­களின் விந்­துக்­களை பரி­சோ­தித்து பார்க்கும் போது கண்­ட­றி­யப்­ப­டு­கின்­றது. சில சந்­தர்ப்­பங்­களில் ஆண்­க­ளுக்கு விந்து பரி­சோ­த­னையை செய்து வரு­மாறு கூறி­யதும் சிலர் இப்­பி­ரச்­சி­னையை கால­தா­ம­த­மாக்­கு­வதும் பின்­வாங்­கு­வதும் காணக்­கூடி­ய­தாக உள்­ளது. இவ்­வாறு இந்த முக்­கிய பரி­சோ­த­னையை தாம­தப்­ப­டுத்­து­வது உங்­க­ளது குழந்தைப் பாக்­கி­யத்தை மேலும் தாம­தப்­ப­டுத்­து­வது போல் தான் இருக்கும். எனவே ஆண்கள் இவ்­வாறு விந்து பரி­சோ­த­னையை கால­தா­ம­த­மின்றி செய்­வதன் மூலமே சிகிச்­சையை நாம் சரி­யாக ஆரம்­பிக்­கலாம்.

ஆண்­களின் விந்­துக்­களின் தரா­த­ரக்­ கு­றைவு ஏற்­படக் காரணம் என்ன?

ஆண்­க­ளது விந்­துக்கள் குறை­வாக இருக்கும் போது பலரும் கேட்கும் கேள்வி இதற்கு என்ன காரணம் என்று தான். ஆனால் சரி­யான காரணம் எது­வென எவ­ருக்கும் தெரி­யாமல் தான் இருக்க முடியும். அதா­வது குறிப்­பிட்டு சொல்­லக்­கூ­டி­ய­வாறு காரணம் எதுவும் இல்லை என்­பது ஆகும். சிலரில் புகைப்­பி­டிக்கும் பழக்கம், மது­பானம் அருந்­துதல், கட்­டுப்­பா­டில்­லாத நீரி­ழிவு நோய், வய­து­வந்­த­வர்­களில் ஏற்­பட்ட கூகைக்­கட்டு நோய் என்­பன கார­ண­மாக அமைய முடியும். எனவே, இவ்­வா­றான விட­யங்­களில் கவனம் செலுத்தி உரிய நட­வ­டிக்­கைகள் எடுக்க வேண்­டி­யது அவ­சியம்.

சிலரில் விதைகள் நார்த்­தன்­மை­யாக எந்­த­வித விந்து உற்­பத்­தியும் இல்­லாது காணக்­கூ­டி­ய­தாக உள்­ளது. இவ்­வா­றான நார்த்­தன்­மை­யான விதைகள் அவர்­க­ளது பிறப்பு குறை­பா­டா­கவே கருத வேண்­டி­யுள்­ளது.

விந்­துக்கள் குறை­வாக இருக்கும் போது குழந்தை பாக்­கி­யத்தை எவ்­வாறு வென்­றெ­டுக்க முடியும்?

விந்­துக்கள் குறை­வா­ன­வர்­களில் இதனை உறு­திப்­ப­டுத்த பரி­சோ­த­னையை ஆகக் குறைந்­தது இரு தட­வை­க­ளா­வது செய்ய வேண்டும். இவ்­வாறு விந்துக் குறைவு உறு­தி­யா­னதும் அடுத்த கேள்வி இதனை எவ்­வாறு கூட்டி எண்­ணிக்­கையை உயர்த்­தலாம் என்­பதே ஆகும். மருந்­துகள் உள்­ள­னவா? ஊசிகள் உள்­ள­னவா? என பலரும் கேட்கும் கேள்­விதான் இது­வாகும். இதற்கு பல மருந்­துகள், ஊசிகள் இருக்க முடியும். ஆனால் எந்த அளவு இவை வெற்றி தரும் என்­பது கேள்­விக்­கு­றி­யாக உள்­ளது. எனவே, மருந்­துகள் மூலம் பெரி­த­ளவு முன்­னேற்றம் விந்­துக்­களின் தரா­த­ரத்தில் ஏற்­படும் என நாம் நம்­பி­யி­ருக்க முடி­யாது. விஞ்­ஞா­னத்தில் தொழில் நுட்ப வளர்ச்­சியை பாவித்து என்ன தீர்வு கொடுக்­கலாம் என சிந்­திக்­கத்தான் வேண்டும்.

விந்­துக்­களின் எண்­ணிக்­கையை உயர்த்த விதை­களில் பல சத்­திர சிகிச்­சைகள் செய்ய வேண்டும் எனக் கூறு­வது இந்­தி­யாவில் ஒரு சில மருத்­து­வ­ம­னை­களில் இருக்கும் வைத்­தி­யர்கள் சொல்லும் மந்­தி­ர­மாக இருந்து வரு­கின்­றது. இந்­தியா செல்லும் எமது மக்கள் அங்­குள்ள பெண் வைத்­திய நிபு­ணரை சந்­திக்­கவே செல்­கின்­றனர். அவ்­வா­றான சந்­தர்ப்­பத்தில் அந்த பெண் வைத்­திய நிபு­ணரின் கண­வரும் ஒரு சத்­தி­ர­சி­கிச்சை நிபுணர். இங்கிருந்து செல்லும் பெண்களின் கணவன்மார்களை பிடித்து இந்தியாவில் பெண் வைத்திய நிபுணரின் கணவர் பல சத்திர சிகிச்சைகளை ஆண்களில் செய்வது வழமையான விடயமாக இருக்கின்றது. ஆனால் அவ்வாறான சத்திர சிகிச்சையில் பலன் யாருக்கு கிடைத்தது என்றால் எதுவுமில்லை. விந்துக்கள் எண்ணிக்கையில் பெரிய முன்னேற்றம் நிரந்தரமாக வந்து விடும் என்று சொல்லியே இவ்வாறான சத்திரசிகிச்சைகள் செய்யப்படுகின்றது. ஆனால் நடைமுறையில் பலன் எதுவும் வரவில்லை

 

Previous articleகர்ப்பிணிகளைக் கொல்லும் பயங்கர நோய்
Next articleTantra மசாச் செய்யும்முறை எப்படி? வீடியோ விளக்கம்