Home பெண்கள் உடல் கட்டுப்பாடு பெண்கள் இடுப்பு பகுதியை கவனிக்கவேண்டியவை

பெண்கள் இடுப்பு பகுதியை கவனிக்கவேண்டியவை

51

பெண்கள் உடல் நலம்:பெண்கள் தாங்கள் அழகாக இருக்க வேண்டும் என்று ஆசைப்படுவர். தங்கள் உடல் அழகு விஷயத்தில் அதிக கவனம் செலுத்தும் பெண்கள் முகம் மற்றும் உடல் பொலிவுடன் விளங்க அனைத்துவித முயற்சிகளையும் புரிவர். என்னதான் அவர்கள் முயன்றாலும், அழகானலும் உடலின் இடுப்பு பகுதி மற்றும் அந்தரங்க உறுப்பின் கருமை, பெண்களின் மனதை துன்புற தான் செய்கிறது. எனவே, பெண்களின் வருத்தத்தை போக்கும் வகையில், இடுப்பு பகுதி கருமையை நீக்கும் வழிகளை பற்றி இந்த பதிப்பில் படித்தறியலாம்..!

பெண்கள் மிக இறுக்கமாக உள்ளாடை அணிவதால், பாவாடை, பிரேஸியர் லைன் அணியும் பகுதியின் கருமை ஏற்படும். இந்த பிரச்சனையில் இருந்து உடனடியாக தீர்வு கிடைக்கும் இயற்கை வழிமுறைகளை பார்க்கலாம்.

மிக இறுக்கமாக உள்ளாடை அணிவதால், பிரேஸியரின் ஸ்ட்ராப் எனும் பட்டை, தோள்களில் அழுந்தப் பதிந்து கருமையும், நாளடைவில் புண்ணாக மாறி தழும்பும் ஏற்பட வாய்ப்புள்ளது. இதற்கு உள்ளாடை விற்கும் கடைகளில் கிடைக்கக்கூடிய ஸ்ட்ராப் குஷனை வாங்கிப் பொருத்திக்கொள்ளலாம். தவிர, குளிக்கும் முன், ஒரு நாள் விட்டு ஒரு நாள் ஒரு ஸ்பூன் அரிசி மாவுடன் சிறிதளவு பால் கலந்து கருமை படிந்த இடத்தில் தேய்த்துக் கழுவவும். இது இறந்த செல்களை நீக்கும். பின்னர் பால் ஏடு அல்லது வெண்ணெயைக் கொண்டு கருமை படர்ந்த இடத்தில் தேய்த்து மசாஜ் கொடுக்கவும். நாளடைவில் கருமை மறைந்துவிடும்.

இடுப்பை இறுக்கிப் பிடிப்பதுபோல, புடவையோ, சுடிதாரோ அணிவதால் அங்கு கருமை படிந்துவிடும். அதைப் போக்க தேங்காய்/ஆலிவ் எண்ணெய்/பாதாம் எண்ணெய் சிறிதளவு எடுத்து கருமை படிந்த சருமத்தில் 10 நிமிடங்கள் மசாஜ் செய்யவும். பின்னர், ஒரு எலுமிச்சையை சாறு பிழிந்து அதனுடன் இரண்டு ஸ்பூன் சர்க்கரை சேர்த்து இடுப்பைச் சுற்றித் தடவி, மசாஜ் கொடுக்கவும்.

இதனால் சருமத்தில் உள்ள இறந்த செல்கள் உதிர்ந்துவிடும். அடுத்ததாக, இரண்டு ஸ்பூன் தயிருடன் ஒரு ஸ்பூன் கடலை மாவு கலந்து `பேக்’ போடவும். காய்ந்தவுடன் அதைக் கழுவி, மாய்ஸ்ச்சரைஸர் அப்ளை செய்யவும். இதை ஒரு நாள் விட்டு ஒரு நாள் தொடர்ந்து செய்யும்போது கருமை மறைவதைக் கண்கூடாகக் காணலாம்.