Home சமையல் குறிப்புகள் மசாலா வஞ்சிரம் மீன் வறுவல்

மசாலா வஞ்சிரம் மீன் வறுவல்

19

Captureதேவையான பொருட்கள் :

வஞ்சிரம் மீன் – அரை கிலோ
சோம்பு – 1 ஸ்பூன்
பூண்டு – 7 பல்
கறிவேப்பிலை – 1 கைப்பிடி
புளி – சிறிதளவு
வரமிளகாய் – 8
வெங்காயம் – 1
உப்பு – தேவைக்கு
மஞ்சள் தூள் – கால் டீஸ்பூன்

செய்முறை :

* மீனை நன்றாக கழுவி வைக்கவும்.

* புளியை சிறிது தண்ணீர் ஊற்றி கரைத்து கொள்ளவும்.

* வெங்காயத்தை நறுக்கி கொள்ளவும்.

* மிக்சியில் சோம்பு, பூண்டு, கறிவேப்பிலை, வரமிளகாய், வெங்காயம், மஞ்சள் தூள், கரைத்த புளியை சேர்த்து நன்றாக அரைத்து கொள்ளவும்.

* ஒரு பாத்திரத்தில் மீனை போட்டு அதனுடன் அரைத்த விழுது, தேவையான அளவு உப்பு சேர்த்து நன்றாக கலந்து 1 மணி நேரம் ஊற வைக்கவும்.

* தோசை கல்லை அடுப்பில் வைத்து சூடானதும் எண்ணெய் ஊற்றி மீனை போட்டு பொன்னிறமாக வறுத்து எடுக்கவும்.

* இப்போது சுவையான மசாலா வஞ்சிரம் மீன் வறுவல் ரெடி.

குறிப்பு: தோசைக் கல்லில் வறுத்தால் தான் மசாலா மீனுடன் சேர்ந்து இருக்கும்.