இந்தியில் சக்கைப் போடு போட்டு, தேசிய விருதையும் வாங்கிய டர்ட்டி பிக்சர், விரைவில் தமிழில் தயாராகிறது.
மறைந்த தமிழ் நடிகை சில்க் ஸ்மிதாவின் வாழ்க்கையை மையமாகக் கொண்டு உருவான இந்தப் படத்தில், வித்யா பாலன் நாயகியாக அசத்தியிருந்தார். சிறந்த நடிகைக்கான தேசிய விருதும் அவருக்குக் கிடைத்தது.
இப்படத்தை தமிழ், தெலுங்கில் டப்பிங் செய்து வெளியிட திட்டமிட்டிருந்தனர். இப்போது அந்த முடிவை மாற்றிக் கொண்டு, இரு மொழிகளிலும் ரீமேக் செய்ய முடிவு செய்துள்ளனர்.
தமிழில் சில்க் ஸ்மிதா வேடத்தில் அனுஷ்காவை நடிக்க வைக்க பேசி வருகிறார்களாம்.
சில்க் ஸ்மிதா வேடத்துக்கு அனுஷ்காதான் பொருத்தமாக இருப்பார் என்று அவரை தேர்வு செய்துள்ளனர்.
அனுஷ்காவுக்கும் இதில் நடிக்க விருப்பம்தானாம். சம்பளம் படிந்துவிட்டால், தமிழ் – தெலுங்கில் அவர்தான் நாயகி. விரைவில் அதிகாரப்பூர்வ அறிவிப்பு வரவிருக்கிறது.
