Home ஆண்கள் ஆண்களின் கருவளத்தை அதிகரிப்பது எப்படி?

ஆண்களின் கருவளத்தை அதிகரிப்பது எப்படி?

31

கர்ப்பமாவதில் ஆண்களின் கருவளம் முக்கிய பங்கை வகிக்கிறது. ஆண்களின் விந்து செல்களின் எண்ணிக்கையுடன், ஆரோக்கியமானதாக இருந்தால் தான், எளிதில் கருவுற முடியும். ஆனால் இன்றைய ஆண்களின் மோசமான வாழ்க்கை முறை மற்றும் பழக்கவழக்கங்களால், கருவளம் குறைந்து, பல்வேறு பாலியல் பிரச்சனைகளை சந்திக்கின்றனர்.

இங்கே ஆண்களின் பாலியல் பிரச்சனைகளைத் தடுத்து, அவர்களின் கருவளத்தை மேம்படுத்த செய்ய வேண்டிய சில விஷயங்களைப் பட்டியலிட்டுள்ளது. அதைப் படித்து, அவற்றை ஒவ்வொரு ஆணும் பின்பற்றினால், நிச்சயம் அவர்களின் கருவளம் மேம்படும்.

ஆண்கள் தங்களது உயரத்திற்கு ஏற்ற உடல் எடையுடன் இல்லாமல் அதிகமாக இருந்தால், உடனே அதைக் குறைக்கும் முயற்சியில் ஈடுபட வேண்டும். இல்லாவிட்டால், உடல் பருமன் விந்துவின் ஆரோக்கியத்தை அழிக்கும். எனவே தினமும் உடற்பயிற்சியில் ஈடுபடுங்கள்.

ஆண்களின் கருவளம் பாதிக்கப்படுவதற்கு, அவர்களின் மோசமான உணவுப் பழக்கமும் ஓர் முக்கிய காரணம். ஆண்கள் ஜங்க் மற்றும் கொழுப்பு நிறைந்த உணவுகள் உட்கொள்வதைத் தவிர்த்து, பழங்கள் மற்றும் காய்கறிகளை தங்கள் உணவில் அதிகம் சேர்க்க வேண்டும். இதனால் விந்து உற்பத்தி அதிகரிக்கும்

லேப்டாப்பில் வேலை செய்யும் போது, மடியில் வைத்து வேலை செய்வதைத் தவிர்த்திடுங்கள். இது விந்தணுவின் எண்ணிக்கையை பாதிக்கும்.

கேகல் பயிற்சியை ஆண்கள் தினமும் செய்து வந்தாலும், ஆண்களின் இனப்பெருக்க மண்டலத்தின் ஆரோக்கியம் மேம்படும். மேலும் இப்பயிற்சி விந்துவின் உற்பத்தியை சீராக்கும்.

நல்ல ஆரோக்கியமான பழக்கவழக்கங்கள் மற்றும் வாழ்க்கை முறையை பின்பற்றிலும் பாலியல் பிரச்சனைகளை சந்தித்தால், சற்றும் தாமதிக்காமல் உடனே மருத்துவரை அணுகுங்கள். மருத்துவர் கூறுவதைப் பின்பற்றுங்கள்.